Ağdamın Kəngərli kəndində yenidən qurulan fərdi yaşayış evlərinin, bağçaların o cümlədən qeyri yaşayış obyeklərinin daxili kommunikasiya şəbəkəsinin müasir standartlara uyğun qurulması işləri aparılır. Qeyd edək ki, Ağdamın Kəngərli kəndi 2022-ci il oktyabrın 4-də ölkə başçısı cənab İlham Əliyevin iştirakı ilə təməli qoyulub. Ağdam şəhərindən 6 kilometr məsafədə yerləşən Kəngərli kəndində 2626 nəfərin (639 ailə) məskunlaşması planlaşdırılıb. Layihələndirilən ümumi ərazi 177,2 hektardır.

İşğaldan azad olunmuş Qarabağ torpağlarında yüksək dağlıq ərazilərdən keçərək Kəlbəcər rayonuna 530 mm lik metal borular ilə qaz çəkilişi aparılır (davam edir). Relyefin yüksək dağlıq ərazi və təhlükəli sıldırım qayalıqlar olmasına baxmayaraq işlər yüksək keyfiyyətlə aparılır.

Ölkəmizin qərb rayonlarının təbii qaz təchizatının yaxşılaşdırılması üçün 1970-ci ildə istismara verilmiş Magistral Qaz Kəmərinin yenidən qurulması layihəsi şirkətimiz tərəfindən müvəfəqiyyətlə həyata keçirilmişdir.

"Horadiz - Laçın" qaz kəmərinin və üzərlərində QPS-lər quraşdırılmaqla "Cəbrayıl QPS", "Zəngilan QPS", "Mincivan QPS", "Qubadlı QPS" və "Laçın QPS" qaz kəməri qollarının tikintisi uğurla həyata keçirilmişdir.

Paytaxt sakinlərinə göstərilən tibbi xidmətin yaxşılaşdırılması məqsədi ilə şirkətimiz tərəfindən 2023-cü ildə Universal Hospital binası uğurla tikilərək təhvil verilmişdir.