Caspian Capital Group xeyriyyə tədbirinə dəstək verib
Leykemiya ilə Mübarizə İctimai Birliyi tərəfindən “With Love, We Donate” adlı incəsənət gecəsi keçirilib.
Tədbirdə məlumat verilib ki, “Leykemiya ilə Mübarizə” İctimai Birliyinin iştirakı və dəstəyi ilə mütəmadi olaraq müxtəlif xeyriyyə tədbirləri keçirilmiş və nəticədə toplanılmış vəsaitlər ilə uşaqlara dərman preparatları alınmış, şüa müalicəsində dəstək olunmuş və eləcə də ailələrə ərzaq yardımı göstərilmişdir. Bu gün keçirilən incəsənət gecəsinin məqsədi də gənclərin leykemiya xəstəliyi barədə məlumatlandırmaq, bu xəstəlikdən əziyyət çəkənlərə dəstək olmaqdır.
Tədbir çərçivəsində leykemiya ilə mübarizə aparan uşaqlarla görüntülü danışılıb və oyunlar nəticəsində onlara xüsusi hədiyyələr təqdim edilib.
Hər zaman müxtəlif sosial aksiyalara dəstək göstərən Caspian Capital Group şirkəti də tədbirə öz dəstəyini göstərib.
Qeyd edək ki, tədbirdə Leykemiya ilə Mübarizə İctimai Birliyi tərəfindən müxtəlif əl işləri satış və sərgi üçün nümayiş etdirilib.
Bildirək ki, “Leykemiya ilə Mübarizə” İctimai Birliyi könüllülər və donorlar tərəfindən qan xərçənginə qarşı mübarizə aparan uşaqlara və onların ailələrinə dəstək məqsədi ilə qurulmuş qeyri-hökümət təşkilatıdır.
