ND Company tərəfindən Kəlbəcərdə qazlaşdırma işləri sürətlə aparılır

15 Avqust 2024

İşğaldan azad olunmuş bütün ərazilərdə olduğu kimi, Kəlbəcərdə də tikinti-quruculuq işləri sürətlə gedir.

"Caspian Capital Group" şirkətinə daxil olan ND Company SOCAR-la birgə əldə olunan layihə çərçivəsində Kəlbəcər rayonunda qazlaşdırılma işləri aparılır.

Cari ilin may ayından start verilən işlərə 200-dən çox texnika və 400-ə yaxın canlı qüvvə cəlb edilib. Bütün işlər dəniz səviyyəsindən 2600 metr hündürlükdə aparılır.

530 mm-lik polad borularla çəkilən qaz xətti çətin relyef şəraitində, dağlar yarılaraq dağların üzəri ilə aparılır. Bugünə kimi 70 km-dən çox yol açılma işləri aparılıb.

Hazırda bütün işlər növbəlilik prinsipləri ilə sürətli şəkildə həyata keçirilir. Qazlaşdırma işlərinin yaxın vaxtlarda başa çatacağı nəzərdə tutulub.

Qeyd edək ki, "ND COMPANY" 2020-ci ildə təsis edilib. Şirkət bütün inşaat işlərinin ən yüksək səviyyədə yaşayış, ictimai, sənaye binalarının tikintisi və təmiri o cümlədən yol infrastrukturunun qurulması üzrə ixtisaslaşmışdır. Bundan başqa şirkət meliorasiya və su təsərrüfatı, kommunal xidmətlərin müasir, keyfiyyətli idarəetmə sistemi ilə qurulması işlərini beynəlxalq standartlara uyğun şəkildə həyata keçirilməsini təmin edir.

"ND Company" eyni zamanda ekoloji balansa uyğun layihələrin həyata keçirilməsinə də köməklik göstərir.